SON XƏBƏR
  • 11.03.2016 - 22:12
    Azərbaycanlı 200 manata rus arvad aldı
    Azərbaycanlı 200 manata rus arvad aldı

    Rusiyanın Tümen vilayətinin eyniadlı rayonunun məhkəməsi bu ölkədə yaşayan keçmiş Azərbaycan vətəndaşı barədə qərar qəbul edib. Məhkəmənin qərarı ilə azərbaycanlı Rusiya vətəndaşlığından məhrum edilib.

    Virtualaz.org xəbər verir ki, cinayət işinin materiallarına əsasən, 2010-cu ilin may ayında müttəhim Tümen rayonunun Miçurino kəndinin sakini olan bir qadınla nikaha daxil olub. Rusiya qanunlarına görə, bu ölkənin vətəndaşlığını almaq üçün normal halda ölkə ərazisində 5 il yaşamaq lazımdır, əgər bu ölkənin vətəndaşı ilə nikah varsa, bunun üçün 3 il də bəs edir.

    Beləliklə, ittiham olunmuş azərbaycanlı 2013-cü ildə, rus qadınla nikahdan 3 il sonra Federal Miqrasiya Xidmətinə müraciət edərək Rusiya vətəndaşlığı almaq istədiyini bildirir. Onun bu arzusu 2014-cü ilin fevral ayında çin olur və artıq keçmiş Azərbaycan vətəndaşına Rusiya vətəndaşı pasportu verilir.

    Lakin pasportu aldıqdan 3 ay sonra yenicə Rusiya vətəndaşı olmuş azərbaycanlı rus arvadından boşanır. Elə həmin ilin noyabr ayında isə öz həmyerlisi ilə nikaha girir. Məlum olur ki, «qəhrəmanımızın» evləndiyi azərbaycanlı qadın 2011-ci ildən onun uşağının anası imiş. Başqa sözlə, rus qadınla evli ola-ola nikahsız yaşadığı qadın onu ata edibmiş. 2015-ci ilin aprel ayında ittiham olunmuş şəxs miqrasiya orqanlarına müraciət edir ki, yenicə doğulmuş qızı üçün də Rusiya vətəndaşlığı alsın. Sənədlərdəki şübhəli təsadüfləri nəzərə alan miqrasiya xidməti prokurorluğa müraciət edir.

    Məhkəmənin qərarı ilə adı çəkilməyən azərbaycanlının Rusiya vətəndaşlığı ləğv edilib. Belə ki, onun 2010-cu ildə nikaha girdiyi qadınla heç vaxt birgə yaşamadığı üzə çıxıb ki, bu da nikahın qeyri-qanuni hesab olunmasına əsas verir. İstintaq zamanı məlum olub ki, nikaha girmək üçün rus qadın azərbaycanlıdan 10 min rubl (təxminən 200 manat) pul alıbmış.

    Baxış sayı:
    348
    Müəllif:
    Baku today
    BÜTÜN XƏBƏRLƏR
    Digər xəbərlər

    Günün Fotosu
    İtkinlər
     Diqqət! Məktəbli uşaqlar Bakı metrosunda itirdiklərini axtarırlar

    Valyuta hesablama
    21-09-2019
  • Hesabla
  • bakutoday.az | © 2012 - 2019
    © Müəllif hüquqları qorunur. Məlumatdan istifadə etdikdə istinad
    mütləqdir. Məlumat internet səhifələrində istifadə edildikdə müvafiq
    keçidin qoyulması mütləqdir.

    Paylaşım:
  • HAQQIMIZDA
  • REKLAM
  • ƏLAQƏ


  • Design By
    Site by Javid Sultanov Studio