SON XƏBƏR
  • 19.03.2016 - 18:01
    Avtovağzalda yaranan sərnişin sıxlığına aydınlıq gətirildi
    Avtovağzalda yaranan sərnişin sıxlığına aydınlıq gətirildi

        Şəfa Mehmanqızı danışdı.

       18 mart 2016-cı il tarixində Bakı Beynəlxalq Avtovağzalından regionlara 621 reyslə 15 mindən çox sərnişin daşınıb ki, bu rəqəm əvvəlki illərlə müqayisədə iki-üç dəfə çoxdur. Bu gün isə Avtovağzalda səhər saatlarından indiyə kimi daşınan sərnişinlərin sayı 18 mini ötüb. Oxu.Az xəbər verir ki, bu barədə Nəqliyyat Nazirliyi Dövlət Avtomobil Nəqliyyatı Xidmətinin İctimaiyyətlə əlaqələr şöbəsinin rəhbəri Şəfa Mehmanqızı bildirib. Onun sözlərinə görə, bütün ehtiyat avtobuslar hazırda müvafiq xətlər üzrə sərnişindaşımanı həyata keçirirlər. Bu dəqiqələrdə regionlara 700-dən çox avtobus yola salınsa da, hələ də sərnişin sıxlığı davam etməkdədir. Bu günkü sıxlığın ən başlıca səbəblərindən biri, sərnişin sayının (məhz bu günkü tarix üçün) fəaliyyət göstərən avtobus sayından 4-5 dəfə çox olması, həmçinin, sərnişinlərinin əksəriyyətinin biletsiz olması və regionlara səfər üçün məhz bugünkü tarixi seçmələridir. Çünki adi günlərdə 400-450 avtobusla sərnişin daşınması həyata keçirilirdi, bu gün 700-dən çox avtobus xəttə çıxarılsa da, sərnişin sayı dəfələrlə çoxdur. Avtovağzala bu gün gələn və gəldiyi saatda gedə bilməyən sərnişinlərə isə Dövlət Avtomobil Nəqliyyatı Xidməti hələ 1 ay əvvəl səfərlərini öncədən planlaşdırmağı tövsiyə etmişdi. Nəzərə alsaq ki, regionlar üzrə biletlər isə avtobus sayına uyğun satılır, deməli bileti əvvəldən almaq lazım idi. Günün sonunda sərnişindaşıma üzrə bugün qeydə alınan dəqiq statistikanı isə növbəti gün diqqətinizə çatdıracağıq. 

    Baxış sayı:
    488
    Müəllif:
    Baku today
    BÜTÜN XƏBƏRLƏR
    Digər xəbərlər

    Günün Fotosu
    İtkinlər
     Diqqət! Məktəbli uşaqlar Bakı metrosunda itirdiklərini axtarırlar

    Valyuta hesablama
    21-09-2019
  • Hesabla
  • bakutoday.az | © 2012 - 2019
    © Müəllif hüquqları qorunur. Məlumatdan istifadə etdikdə istinad
    mütləqdir. Məlumat internet səhifələrində istifadə edildikdə müvafiq
    keçidin qoyulması mütləqdir.

    Paylaşım:
  • HAQQIMIZDA
  • REKLAM
  • ƏLAQƏ


  • Design By
    Site by Javid Sultanov Studio